Ադրբեջանի Հանրապետությունում կախվելով ինքնասպանություն գործած նախկին զինվորականներ. մաս 2

Ադրբեջանի Հանրապետությունում 44-օրյա պատերազմի ավարտից հետո ռազմական գործողությունների մասնակիցների շրջանում տեղի ունեցող ինքնասպանությունները լայն արձագանք են գտել ոչ միայն հասարակության շրջանում, այլև այդ մասին բարձրաձայնում են պաշտոնատար անձինք։ Ազգային ժողովի պատգամավոր Վահիդ Ահմադովը, «վետերանների» խնդիրներով պայմանավորված, դիմել է Աշխատանքի և բնակչության սոցիալական պաշտպանության նախարարի տեղակալ Անար Քարիմովին: Ըստ պատգամավորի՝ նախկին զինվորականներից մեկն ինքնահրկիզվում է, մյուսը նախարարության ապակիներն է կոտրում և այլն։ Ի՞նչն է պատճառը, երբ պատերազմն ավարտվել է, բայց 11-12 հազար «վետերան»-ին վերաբերող խնդիրները դեռևս չլուծված են մնում:

Հարցին անդրադարձել է նաև Ֆինանսների նախարար Սամիր Շարիֆովը և նշել, որ տեղի ունեցածը ֆինանսական խնդիրների հետ կապ չունի[1], սակայն կատարված ինքնասպանություններն այլ բան են փաստում։

Մեր նախորդ նյութում անդրադարձել էինք ինքնահրկիզմամբ ինքնասպանություն գործած 44-օրյա պատերազմի մասնակից ադրբեջանցի զինվորականներին։

Շարքը շարունակում է ներկայացնել նախկին զինվորականներին, ովքեր ինքնասպան են եղել կախվելու միջոցով։

1․ Մաշալլահ Մանաֆով

Սաբիրաբադի շրջանի Ջավադ գյուղի բնակիչ, 1986 թվականին ծնված Մաշալլահ Մանաֆովը ինքնասպան է եղել՝ ծառից կախվելով: Ըստ ադրբեջանական աղբյուրների՝ նախկին զինվորականն ինքնասպանություն է գործել Սաբիրաբադի շրջանի գործադիր իշխանության վարչական շենքից դուրս գալուց հետո[2]:  

2․ Ադիլ Բայրամով

Ծագումով Սալյանի շրջանի Քուրգարագաշլը գյուղի բնակիչ, 2002 թվականին ծնված Ադիլ Բայրամովն աչքի էր ընկել Արցախի Հանրապետության դեմ ադրբեջանական կողմի սանձազերծած պատերազմում։ Պարգևատրվել էր «Սուգովուշանի[3] ազատագրման համար» մեդալով[4]: Նախկին զինվորականն ինքնասպան է եղել՝ կախվելով Սումգայիթում վարձակալած տանը[5]:

3․ Գումրահ Սաֆարգուլիև

Գուսարի շրջանի Յասաբոբա գյուղի բնակիչ, 2002 թվականին ծնված Գումրահ Սաֆարգուլիևը 44-օրյա պատերազմի մասնակից էր։ Ինքնասպան է եղել Խաչմազի անտառապատ տարածքներից մեկում կախվելով[6]:

4․ Ալիսահիբ Մամմադով

Ադրբեջանական որոշ լրատվամիջոցներ Մամմադովի ինքնասպանությունը ներկայացնում են ընտանեկան-անձնական խնդիրների հիմնավորմամբ։ 44-օրյա պատերազմի մասնակիցն ինքնասպան է եղել Բիլասուվարի շրջանի իր բնակավայրում[7]:

5․ Իսմաթ Բաբաքիշիև

Հատուկ նշանակության ուժերի կազմում կռված Իսմաթ Բաբաքիշիևն ինքնասպան է եղել Գադաբայի շրջանի Չանագչը գյուղում։ Նախկին զինվորականը պարգևատրվել էր «Արիության համար»[8] մեդալով, ինչպես նաև՝ «Շուշիի», «Ֆիզուլիի[9]», «Խոջավենդի[10]» և «Ջաբրայիլի[11]» ազատագրման համար[12] մեդալներով։

6․ Բահման Աբբասլը

Բահման Աբբասլըն ծնվել է 1998 թվականին Ջալիլաբադի շրջանում։ Նախկին զինվորականն ինքնասպան է եղել կախվելով։ Պարգևատրվել էր Իլհամ Ալիևի կողմից՝ այսպես կոչված «Կուբաթլուի[13] ազատագրման համար» մեդալով[14]:

7․ Ֆեյրուզ Գեհրեմանով

Հաջորդ ինքնասպանության դեպքն արձանագրվել է Ադրբեջանի Գուսարի շրջանի Անիգ գյուղում: Նախկին զինվորական Ֆեյրուզ Գեհրեմանովը կախվել էր ծառից: Մտերիմների խոսքերով՝ վերջինս վիրավորում էր ստացել 44-օրյա պատերազմի ընթացքում և բուժում էր ստանում[15]:

8․ Էմին Ջալիլով

1988 թվականին ծնված Էմին Ջալիլովը 44-օրյա պատերազմի կամավոր մասնակիցներից էր: Պարգևատրվել էր «Կուբաթլուի» և «Զանգելանի[16]» ազատագրման համար մեդալներով: Երկու երեխաների հորը հարազատները կախված են գտել իրենց բնակարանում[17]:

9․ Ֆիրուդին Ֆիրուդինլի

Կախվելով ինքնասպանություն գործած 44-օրյա պատերազմի մասնակից Ֆիրուդին Ֆիրուդինլին ռազմական գործողությունների ժամանակ աչքի ընկած զինվորականներից էր։ Պարգևատրվել էր «Խոջավենդի ազատագրման համար» և «Ֆիզուլիի ազատագրման համար» մեդալներով[18]:

10․ Ֆարիդ Գուլիև

Յարդմլըի շրջանի Ուրաքարան գյուղի բնակիչ Ֆարիդ Գուլիևը կախվել էր անտառում: Վերջինս եղել էր կրոնական և կրթությունը ստացել էր Իրաքի Նաջաֆ քաղաքում: Հարկ է նշել, որ Գուլիևն ինքնասպանություն գործելու ժամանակ կրել էր զինվորական հագուստ[19]:

11․ Էլխան Մամմադով

Արցախի դեմ ադրբեջանական կողմի սանձազերծած պատերազմի հերթական մասնակից Էլխան Մամմադովը կախվել էր Բեյլագանի շրջանի Շարգ գյուղի՝ իր տան բակում գտնվող անասնագոմում: Վերջինս նույնպես աչքի էր ընկել 44-օրյա պատերազմի ընթացքում։ Պարգևատրվել էր «Քաջարի մարտիկ», «Ֆիզուլիի ազատագրման համար» և «Ջաբրայիլի ազատագրման համար» մեդալներով[20]:

12․ Ռաբիլ Բաբաև

Ադրբեջանի Աղսուի շրջանի Ուլգուջ գյուղում բնակվող, 1992 թվականին ծնված Ռաբիլ Բաբաևն ինքնասպան է եղել՝ իր տան բակում ծառից կախվելով։ Ըստ ադրբեջանական լուրերի՝ Ռաբիլ Բաբաևի սոցիալական վիճակը բավականին ծանր է եղել: Նա բազմիցս է դիմել համապատասխան կառույցների՝ աշխատանքի տեղավորման համար, սակայն վերջինիս խնդրին լուծում չի տրվել: Վերջին անգամ Բաբաևը նույն հարցով դիմել է Աղսուի շրջանի գործադիր իշխանությանը, սակայն տուն վերադառնալուն պես ինքնասպան է եղել: Հարկ է նշել, որ նախկին զինվորականը պարգևատրվել էր «Քաջարի մարտիկ», «Հայրենական պատերազմի մասնակից» և «Աղդամի[21] ազատագրման համար» մեդալներով[22]:

[1] Unikal.az, "Qazilərin problemlərini həll etmək belə çətindir?" - Deputatdan nazir müavininə ETİRAZ: https://unikal.az/news/337123/qazilerin-problemlerini-hell-etmek-bele-cetindir-deputatdan-nazir-muavinine-etiraz (Մուտք՝ 29,07,2024):

[2] Gundem.az  Daha bir Vətən müharibəsi qazisi özünü asdı: http://gundem.az/az/cemiyyet/22343/daha-bir-veten-muharibesi-qazisi-zunu-asdi/  (Մուտք 26.06.2024):

[3] Հայկական՝ Մատաղիս։

[4] Axar.az, 2 gün öncə ad günü olan qazimiz intihar etdi: https://axar.az/news/toplum/650116.html (Մուտք 16.07.2024):

[5] Unikal.az, Daha bir Vətən müharibəsi iştirakçısı İNTİHAR ETDİ: https://unikal.az/news/334843/daha-bir-veten-muharibesi-qazisi-intihar-etdi (Մուտք 16.07.2024):

[6] Qlobal.az, Vətən müharibəsi qazisi intihar edib: https://www.qlobal.az/veten-muharibesi-qazisi-intihar-edib/javascript%28%29; (Մուտք 16.07.2024):

[7] Azvision.az, Vətən müharibəsi qazisi intihar etdi: https://azvision.az/news/294819/news.html (Մուտք 16.07.2024):

[8] Turkustan.az, Vətən müharibəsi qazisi İNTİHAR ETDİ: https://www.turkustan.az/news.php?id=15768 (Մուտք 16.07.2024):

[9] Հայկական՝ Վարանդա։

[10] Հայկական՝ Մարտունի։

[11] Հայկական՝ Ջրական (Մեխակավան)։

[12] Turkustan.az, Vətən müharibəsi qazisi İNTİHAR ETDİ:

https://www.turkustan.az/news.php?id=15768 (Մուտք 16.07.2024):

[13] Հայկական՝ Սանասար։

[14] Fedai.az, Daha bir qazimiz İNTİHAR ETDİ:

https://fedai.az/?p=41999 (Մուտք 16.07.2024):

[15] Sumqayit.tv, Qarabağ qazisi özünü AĞACDAN ASDI:

https://sumqayit.tv/hadis/6220-qaraba-qazisi-ozunu-aacdan-asdi.html (Մուտք 16.07.2024):

[16] Հայկական՝ Կովսական։

[17] Yeniavaz.com, Vətən müharibəsi iştirakçısı intihar etdi: https://www.yeniavaz.com/az/news/172104/veten-muharibesi-istirakcisi-intihar-etdi (Մուտք 17.07.2024):

[18] TNS.az, Daha bir qazi intihar etdi – FOTO:

https://tns.az/hadise/11013-daha-bir-qazi-intihar-etdi-foto/ (Մուտք 17.07.2024):

[19] Diqqetinfo.wixsite.com, Bu gün daha bir qazi intihar etdi: Nə baş verir? - FOTO/VİDEO: https://diqqetinfo.wixsite.com/diqqet/post/bu-gün-daha-bir-qazi-intihar-etdi-n%C9%99-baş-verir-foto-vi-deo (Մուտք 24.07.2024):

[20] Fedai.az, Daha bir qazimiz intihar edib: https://fedai.az/?p=61876 (Մուտք 24.07.2024):

[21] Հայկական՝ Ակնա։

[22] Avrasiya.net, Qazi Ağsu İcra Hakimiyyətində qəbuldan çıxıb İNTİHAR ETDİ:

https://avrasiya.net/sosial/76165-qazi-asu-cra-hakimiyytind-qbuldan-cxb-nthar-etd.html (Մուտք 24.07.2024):

Բաժանորդագրվեք մեր ալիքին Telegram-ում