«Գեղարդ» գիտավերլուծական հիմնադրամի աշխատակիցները մասնակցել են Բաթումիի պետական համալսարանում կայացած միջազգային գիտաժողովին

2026-10-15

Շոթա Ռուսթավելիի անվան Բաթումիի պետական համալսարանում տեղի ունեցավ «Քրիստոնյա Վրաստանը՝ 1700 տարեկան» խորագրով միջազգային գիտաժողովը՝ մասնակցությամբ Վրաստանի, Հայաստանի, Ռումինիայի և Ուկրաինայի գիտական ու կրթական հաստատությունների շուրջ 40 մասնակիցների։

Գիտաժողովի բացմանը ողջույնի խոսքով հանդես եկավ «Գեղարդ» հիմնադրամի վերլուծաբան Գոռ Մարգարյանը։ Ընդգծելով քրիստոնեության նշանակությունը Հայաստանի և Վրաստանի պատմական հոլովույթում՝ Հիմնադրամի վերլուծաբանն անդրադարձավ երկու երկրների միջև ակադեմիական համագործակցության զարգացման ու փոխըմբռնման խորացման գործում գիտական նման միջոցառումների կարևորությանը։

Հայաստանի և Վրաստանի պատմության, ինչպես նաև՝ երկու ժողովուրդների մշակութային առնչությունների տարբեր դրսևորումներին էր նվիրված հայ մասնակիցների զեկուցումները, որոնք մեծ հետաքրքրություն են առաջացրել վրացի գիտնականների և գիտաժողովի մասնակիցների շրջանում։

Քննարկումների առանցքային թեմաներն էին քրիստոնեության նշանակությունը մշակութային դիվանագիտության ու հայ-վրացական կապերի ամրապնդման գործում, Վրաստանի տարածքում Հայ եկեղեցու վանքապատկան հողատիրության խնդիրները, 19-րդ դարի կայսերական քաղաքականության ազդեցությունը երկու եկեղեցիների վրա, ինչպես նաև՝ հայերեն և վրացերեն ձեռագիր ժառանգության համեմատական վերլուծությունը։

Գիտաժողովը հարթակ դարձավ Հայաստանի ու Վրաստանի միջև պատմական ընդհանուր գործընթացների, կրոնական ժառանգության և մշակութային կապերի գիտական քննարկման, ինչպես նաև՝ երկու երկրների հետազոտողների միջև մասնագիտական կապերի ամրապնդման համար։

Բաժանորդագրվեք մեր ալիքին Telegram-ում