Քարոզչությունն ու գիտությունը․ «Գեղարդ» գիտավերլուծական հիմնադրամի օրինակը

2024-10-17

«Գեղարդ» գիտավերլուծական հիմնադրամի տնօրեն, պ․գ․թ․ Ռոբերտ Ղազարյանն այսօր «Քարոզչությունն ու գիտությունը․ «Գեղարդ» գիտավերլուծական հիմնադրամի օրինակը» թեմայով դասախոսություն-քննարկում անցկացրեց ՀՀ ԳԱԱ Գիտակրթական միջազգային կենտրոնում։

Հիմնադրամի օրինակով Ռոբերտ Ղազարյանը ներկայացրեց գիտության և քարոզչության դերը ժամանակակից աշխարհում՝ թվարկելով հիմնադրամի գործիքակազմը։

Ղազարյանը մատնանշեց, թե ինչպես են Ադրբեջանն ու Թուրքիան քարոզչության միջոցով ազդում հասարակության վրա, փորձում խեղաթյուրել տեղեկատվությունը և օգտագործում մեդիան, հասարակական կազմակերպություններն ու ինստիտուտները՝ իրենց ազդեցության ոլորտը ընդլայնելու համար։ 

Ըստ Ռոբերտ Ղազարյանի՝ եթե քարոզչությունը ճիշտ ծառայեցնենք գիտությանը, ապա հնարավոր է ստանալ որակյալ արդյունք, ինչը և կիրառում է «Գեղարդ» գիտավերլուծական հիմնադրամը։

Սեմինարին մասնակից ուսանողները հետաքրքրվեցին ադրբեջանցի գիտնականների հակագիտական մոտեցումների ու թեզերի տարածման, դրանցից բխող վտանգների մասին։ Հարցեր հնչեցին նաև հայ֊-ադրբեջանական առկա խնդիրների և դրանց  հնարավոր լուծումների վերաբերյալ։

«Գիտության և մեդիայի դերը տեղեկատվական պայքարում» խորագրով հաջորդ սեմինարը տեղի կունենա վաղը՝ հոկտեմբերի 18-ին՝ ժամը 13:00-ին, ԵՊՀ ժուռնալիստիկայի ֆակուլտետում։

Բաժանորդագրվեք մեր ալիքին Telegram-ում